ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានអបអរទៅដល់ចៅស្រីច្បងរបស់សម្ដេចដែលទទួលបានសញ្ញាបត្រថ្នាក់បរិញ្ញាបត្រនៅថ្ងៃនេះ។

ជាមួយនឹងការអបអរនេះសម្ដេចក៏បានលើកឡើងផងដែរថាគោលបំណងរបស់សម្ដេច និងសម្ដេចគតិព្រឹទ្ធបណ្ឌិត គឺចង់ឲ្យចៅៗទទួលបានសញ្ញាបត្រទាបបំផុតត្រឹមថ្នាក់អនុបណ្ឌិត។

សម្ដេចតេជោសរសេរនៅលើហ្វេសបុករបស់សម្ដេចដោយអមនូវរូបទទួលសញ្ញាបត្ររបស់ចៅស្រីថា៖ «ថ្ងៃនេះចៅស្រីច្បងទទួលសញ្ញាបត្រថ្នាក់បរិញ្ញាបត្រជាមួយការអបអរសាទរពីជីដូន

 ជីតា និងក្រុមគ្រួសារ។ មិនទាន់ចប់ទេចៅបរិញ្ញាបត្រជាន់ខ្ពស់ (អនុបណ្ឌិត) ទាបបំផុត និងគោលដៅគឺ

ថ្នាក់បណ្ឌិត។ ការចង់បានរបស់ជីដូនជីតាគឺចៅទាំងអស់ត្រូវតែមានបរិញ្ញាបត្រជាន់ខ្ពស់ទាបបំផុត និងថ្នាក់បណ្ឌិតជាគោលដៅខ្ពស់បំផុត។ នេះជាការកំណត់គោលដៅនៃគ្រួសារដែលសាមីខ្លួនចៅម្នាក់ៗ និងឪពុកម្តាយពួកគេត្រូវខិតខំក្រោមការតម្រង់ទឹសពីខ្ញុំផ្ទាល់ដែលជាមេគ្រួសារ»។

គួរឲ្យដឹងផងដែរថា បច្ចុប្បន្ននាយករដ្ឋមន្ត្រីកម្ពុជា សម្ដេចតេជោ ហ៊ុន សែន មានបុត្រា បុត្រី ចំនួន ៥នាក់ និងមានចៅបង្កើតចំនួន ២២នាក់៕